काठमाडौँ । आइसीसी टी–२० विश्वकप अन्तर्गत आज (बुधबार) एक खेल हुँदैछ । आज समूह ‘ए’ अन्तर्गत भारत र आयरल्याण्डबीच खेल हुँदैछ । न्यूयोर्कस्थित नस्साउ काउन्टी इन्टरनेसनल क्रिकेट स्टेडियममा हुने यो खेल नेपाली समय अनुसार राति ८ः १५ बजेदेखि शुरु हुनेछ ।

यस विश्वकपमा दुवैको यो पहिलो खेल हो । टी–२० खेलमा आयरल्याण्डले अहिलेसम्म भारतलाई पराजित गर्न सकेको छैन । अहिलेसम्म दुवैबीच ७ खेल भएको छ, जसमा सबै खेल भारतले जितेको छ । समूह ‘ए’ मा रहेको अमेरिकाले आफ्नो पहिलो खेल जितेको छ भने क्यानडा पराजित भएको छ ।